Lahat ng bagay sa mundo ay umiinog sa ilalim ng kapangyarihan ng Kataastaasang Dios, lahat ng dimension ay kanyang nasasaklawan... lahat ng nilalang dito sa mundo natin at sa iba pang mundo tanging sa DIOS lamang nagmula... Kung TAO lang ang tinatangi ng DIOS at ang ibang NILALANG ay hindi, sana ay siya na mismo ang kusang gumunaw o pumuksa sa kanila... buksan natin ang ating kamalayan kung bakit ang mga nilalang sa dako paroon ng mga imortal at nanatili pa rin hanggang sa ngayon...

Ang atin pong BLOG ay walang pinapanigan na relihiyon, sekta man o kongregasyon, dito po ay talakayan lamang at bahaginan ng mga bagay-bagay na may kaugnayan sa KABABALAGHAN - ang mga sitas na hango sa mga itinutiring nating banal na kasulatan kung gamitin man sana ay makatulong para sa kaliwanagan ng kaisipan ng bawat isa at hindi maging daan ng ano mang pagtatalo, tayo po ay malaya na maniwala sa kung ano mang pinaniniwalaan natin, subalit huwag nating isipin na tayo na ang nakakaalam ng BUONG KATOTOHANAN sapagkat hindi tayo naging saksi sa mga totoong pangyayari ng UNA, kung ano mang realization na nakamit natin sa ating buhay sa pamamagitan ng pag-aaral at pagsasaliksik ito po ay ating pagyamanin at gamitin sa mabuting pakikipag-kapwa-tao...


- Taong Lipod

Sunday, May 13, 2012

BUNGISNGIS

Ang Bungisngis ay isang higante na na merong iisang mata, na matatagpuan sa mga kwentong alamat ng Pilipinas. Ang higanteng ito ay matatagpuan sa Meluz, Orion, Bataan. Ang Bungisngis ay inilalarawan bilang isang higante na may isang mata na laging tumatawa. Sa literal na kahulugan ang Bungingis ay nagmula sa salitang Tagalog na ngisi, salita na nangangahulugang "sa bumungisngis".

Ang Bungisngis ay may hitsura na kahalintulad sa tao. Ito ay may mga malalaking ngipin na kung saan ay palaging pinapapakita, at ang itaas na labi nito ay sumasaklaw sa kanyang mukha kapag ito ay binaliktad. Merong dalawang mahabang pangil na nagmumula sa bahagi ng kanyang bibig. Ang higante ay may isang mata lamang, na kung saan ay matatagpuan sa gitna ng kanyang noo, ngunit kapalit nito ang katangiang malakas na pandinig. Meron din itong hindi pangkaraniwang lakas. Sa kuwento na "Ang Tatlong Magkakaibigan - Ang unggoy, Ang Aso at Ang Kalabaw," kayang kayang buhatin ng higante ang kalabaw at ibalibag ito pabagsak sa lupa. Gayunman, sa kabila ng lakas nito, ang Bungisngis ay madaling mataranta. Sa kuwento ng Tatlong Magkakaibigan, nadaya ng unggoy ang bungisngis na humantong sa kanya sa kanyang kamatayan.
Posted by at

2 comments:

  1. AnonymousApril 15, 2015 at 8:37 PM

    saan mo nakuha ung kwento na to pwedeng bigyan mo ako ng reference

    ReplyDelete
  2. AnonymousApril 15, 2015 at 8:37 PM

    saan mo nakuha ung kwento na to pwedeng bigyan mo ako ng reference

    ReplyDelete

Subscribe to: Post Comments (Atom)